ਪੰਜਾਬੀ ਵੈਬ-ਸਾਈਟ ਤੇ ਆਪ ਜੀ ਦਾ ਸਵਾਗਤ ਹੈ।       ਵੀਰਪੰਜਾਬ ਡਾਟ ਕਾਮ       वीरपंजाब डाट काम       ویرپنجاب ڈاٹ کام       veerpunjab dot com

ਬੱਦਲ

ਆ ਗਏ ਬੱਦਲ, ਆ ਗਏ ਬੱਦਲ

ਵਿਚ ਅਸਮਾਨੀਂ ਛਾ ਗਏ ਬੱਦਲ

ਅਹੁ ਦੇਖੋ ਕਿੰਞ ਭੱਜਦੇ ਬੱਦਲ

ਇਕ ਦੂਜੇ ਗਲ ਲੱਗਦੇ ਬੱਦਲ

ਜ਼ੋਰ-ਜ਼ੋਰ ਟਕਰਾਉਂਦੇ ਬੱਦਲ

ਬਿਜਲੀ ਕਿਤੇ ਗਿਰਾਉਂਦੇ ਬੱਦਲ

ਗਡ਼-ਗਡ਼ ਸ਼ੋਰ ਮਚਾਉਂਦੇ ਬੱਦਲ

ਬਾਗੀਂ ਮੋਰ ਨਚਾਉਂਦੇ ਬੱਦਲ

ਭੂਰੇ, ਚਿੱਟੇ, ਕਾਲੇ ਬੱਦਲ

ਇਹ ਤਾਂ ਵਰਖਾ ਵਾਲੇ ਬੱਦਲ

ਕੁਝ ਹਲਕੇ ਕੁਝ ਭਾਰੇ ਬੱਦਲ

ਲੱਗਦੇ ਬਡ਼ੇ ਪਿਆਰੇ ਬੱਦਲ

ਛਮ-ਛਮ ਕਰਦੇ ਵਰ੍ਹਦੇ ਬੱਦਲ

ਛੱਪਡ਼-ਟੋਭੇ ਭਰਦੇ ਬੱਦਲ

ਗਰਮੀ ਦੂਰ ਭਜਾਉਂਦੇ ਬੱਦਲ

ਥਾਂ-ਥਾਂ ਠੰਢ ਵਰਤਾਉਂਦੇ ਬੱਦਲ

ਹਰ ਇਕ ਮਨ ਨੂੰ ਭਾਉਂਦੇ ਬੱਦਲ

ਸਭ ਦੀ ਪਿਆਸ ਬੁਝਾਉਂਦੇ ਬੱਦਲ

 


ਵੀਰਪੰਜਾਬ ਗਰੁੱਪ ਵੱਲੋਂ 


(www.ਵੀਰਪੰਜਾਬ.ਭਾਰਤ)


ਪੰਜਾਬੀ ਭਾਸ਼ਾ ਵਿੱਚ ਸਭ ਤੋਂ ਪਹਿਲਾ 


ਈ-ਸਿੱਖਿਆ ਪੋਰਟਲ
















1466357
Website Designed by Solitaire Infosys Inc.