ਬੱਦਲ
ਆ ਗਏ ਬੱਦਲ, ਆ ਗਏ ਬੱਦਲ
ਵਿਚ ਅਸਮਾਨੀ ਛਾ ਗਏ ਬੱਦਲ।
ਅਹੁ ਦੇਖੋ ਕਿੰਞ ਭਜਦੇ ਬੱਦਲ
ਇਕ ਦੂਜੇ ਗਲ ਲੱਗਦੇ ਬੱਦਲ।
ਜ਼ੋਰ-ਜ਼ੋਰ ਟਕਰਾਉਂਦੇ ਬੱਦਲ
ਬਿਜਲੀ ਕਿਤੇ ਗਿਰਾਉਂਦੇ ਬੱਦਲ।
ਗੜ-ਗੜ ਸ਼ੋਰ ਮਚਾਉਂਦੇ ਬੱਦਲ
ਬਾਗੀਂ ਮੋਰ ਨਚਾਉਂਦੇ ਬੱਦਲ।
ਭੂਰੇ, ਚਿੱਟੇ, ਕਾਲੇ ਬੱਦਲ
ਇਹ ਤਾਂ ਵਰਖਾ ਵਾਲੇ ਬੱਦਲ।
ਕੁਝ ਹਲਕੇ ਕੁਝ ਭਾਰੇ ਬੱਦਲ
ਲੱਗਦੇ ਬੜੇ ਪਿਆਰੇ ਬੱਦਲ।
ਛਮ-ਛਮ ਕਰਦੇ ਵਰ੍ਹਦੇ ਬੱਦਲ
ਛੱਪੜ-ਟੋਭੇ ਭਰਦੇ ਬੱਦਲ।
ਗਰਮੀ ਦੂਰ ਭਜਾਉਂਦੇ ਬੱਦਲ
ਥਾਂ-ਥਾਂ ਠੰਢ ਵਰਤਾਉਂਦੇ ਬੱਦਲ।
ਹਰ ਇਕ ਮਨ ਨੂੰ ਭਾਉਂਦੇ ਬੱਦਲ
ਸਭ ਦੀ ਪਿਆਸ ਬੁਝਾਉਂਦੇ ਬੱਦਲ।
