ਪਥਪਰਦਰਸ਼ਨੀ

Spread the love

ਪਥ-ਪਰਦਰਸ਼ਨੀ

ਜਦੋਂ ਕੋਈ ਮਨੁੱਖ ਦੁਖੀ ਅਤੇ ਬੇਚੈਨ ਹੁੰਦਾ ਹੈ ਤਾਂ ਉਹ ਪ੍ਰਮਾਤਮਾ ਨੂੰ ਹੀ ਪੁਕਾਰ ਕੇ ਕਹਿੰਦਾ ਹੈ – “ਹੇ ਮੇਰੇ ਮਾਲਕ, ਮੇਰੇ ਪ੍ਰਮਾਤਮਾ ਮੇਰੇ ਦੁੱਖ, ਮੇਰੀਆਂ ਮੁਸ਼ਕਲਾਂ ਦੂਰ ਕਰੋ ਅਤੇ ਮੈਨੂੰ ਸੁਖ-ਸ਼ਾਂਤੀ ਦਾ ਦਾਨ ਬਖਸ਼ੋ।” ਕਾਮ, ਕ੍ਰੋਧ, ਲੋਭ, ਮੋਹ ਅਤੇ ਹੰਕਾਰ ਜਿਹੇ ਵਿਕਾਰਾਂ ਦੇ ਵੱਸ ਹੋਇਆ ਮਨੁੱਖ ਆਪਣੀ ਆਤਮਾ ਦੀ ਸ਼ੁੱਧੀ ਲਈ ਵੀ ਇਹੀ ਅਰਦਾਸ ਕਰਦਾ ਹੈ – “ਮੈਨੂੰ ਇਨ੍ਹਾਂ ਵਿਕਾਰਾਂ ਤੋਂ ਬਚਾਓ ਅਤੇ ਮੇਰੇ ਪਾਪ ਬਖਸ਼ ਦਿਓ।”

ਪਰਮਪਿਤਾ ਪਰਮਾਤਮਾ ਵਿਕਾਰਾਂ ਅਤੇ ਬੁਰਾਈਆਂ ਨੂੰ ਦੂਰ ਕਰਨ ਲਈ ਜਿਹੜਾ ਗਿਆਨ ਦਿੰਦੇ ਹਨ ਅਤੇ ਸਹਿਜ ਰਾਜਯੋਗ (ਧਿਆਨ ਲਗਾਉਣ ਦਾ ਤਰੀਕਾ) ਸਿਖਾਉਂਦੇ ਹਨ, ਬਹੁਤੇ ਮਨੁੱਖ ਇਸ ਤੋਂ ਬਿਲਕੁਲ ਅਣਜਾਣ ਹਨ ਅਤੇ ਇਨ੍ਹਾਂ ਨੂੰ ਅਸਲ ਰੂਪ ਵਿਚ ਅਪਣਾਉਣਾ ਔਖਾ ਸਮਝਦੇ ਹਨ। ਗੁਰੂਆਂ, ਦੇਵਤਿਆਂ ਨੇ ਸਾਨੂੰ ਪਰਮਪਿਤਾ ਪ੍ਰਮਾਤਮਾ ਤੱਕ ਪਹੁੰਚਣ ਦਾ ਰਾਹ ਦੱਸਿਆ ਹੈ ਅਤੇ ਇਸ ਕੋਸ਼ਿਸ਼ ਵਿਚ ਸਾਡੀ ਸਹਾਇਤਾ ਵੀ ਕਰਦੇ ਹਨ ਪਰੰਤੂ ਆਪਣੇ ਲਈ ਕੋਸ਼ਿਸ਼ ਤਾਂ ਸਾਨੂੰ ਆਪੇ ਹੀ ਕਰਨੀ ਪਵੇਗੀ, ਤਾਂ ਹੀ ਅਸੀਂ ਜੀਵਨ ਵਿਚ ਸੱਚਾ ਸੁਖ ਅਤੇ ਸੱਚੀ ਸ਼ਾਂਤੀ ਪ੍ਰਾਪਤ ਕਰਾਂਗੇ ਅਤੇ ਚੰਗੇ ਆਚਰਨ ਦੇ ਮਾਲਕ ਬਣਾਂਗੇ।

ਅਗਲੇ ਪੰਨਿਆਂ ਤੇ ਪ੍ਰਮਾਤਮਾ ਵਲੋਂ ਦਿੱਤੇ ਗਿਆਨ ਅਤੇ ਸਹਿਜ ਧਿਆਨ ਲਗਾਉਣ ਦੇ ਮਾਰਗ ਬਾਰੇ ਦੱਸਿਆ ਗਿਆ ਹੈ। ਕਈ ਜਗ੍ਹਾ ਇਸ ਨੂੰ ਚਿੱਤਰਾਂ ਦੇ ਰੂਪ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਅਤੇ ਨਾਲ-ਨਾਲ ਹਰ ਚਿੱਤਰ ਬਾਰੇ ਵਿਸਤਾਰ ਨਾਲ ਜਾਣਕਾਰੀ ਦੇਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਤਾਕਿ ਇਨ੍ਹਾਂ ਗੁੱਝੇ ਭੇਦਾਂ ਨੂੰ ਸਮਝਿਆ ਜਾ ਸਕੇ। ਇਸ ਪੁਸਤਿਕਾ ਨੂੰ ਪਡ਼੍ਹਣ ਨਾਲ ਤੁਹਾਨੂੰ ਬਹੁਤ ਸਾਰੇ ਨਵੇਂ ਗਿਆਨ ਦਾ ਅਹਿਸਾਸ ਹੋਵੇਗਾ। ਵਿਹਾਰਕ ਰੂਪ ਵਿਚ ਰਾਜਯੋਗ ਦਾ ਅਭਿਆਸ ਕਰਨ ਅਤੇ ਜੀਵਨ ਨੂੰ ਰੌਸ਼ਨ ਕਰਨ ਲਈ ਤੁਸੀਂ ਇਸ ਈਸ਼ਵਰੀ ਵਿਸ਼ਵ-ਵਿਦਿਆਲਾ ਦੇ ਕਿਸੇ ਵੀ ਸੇਵਾ ਕੇਂਦਰ ਤੇ ਪਧਾਰ ਕੇ ਮੁਫ਼ਤ ਲਾਭ ਉਠਾਓ।

ਅੰਮ੍ਰਿਤ ਸੂਚੀ

1. ਮੈਂ ਕੌਣ ਹਾਂ?

2. ਆਤਮਾ ਕੀ ਹੈ ਅਤੇ ਮਨ ਕੀ ਹੈ?

3. ਤਿੰਨ ਲੋਕ ਕਿਹੜੇ ਹਨ ਅਤੇ ਪਰਮਾਤਮਾ ਸ਼ਿਵ ਧਾਮ ਕਿਹੜਾ ਹੈ?

4. ਇਕ ਹੈਰਾਨੀ ਵਾਲੀ ਗੱਲ

5. ਸਾਰੀਆਂ ਆਤਮਾਵਾਂ ਦਾ ਪਿਤਾ ਪਰਮਾਤਮਾ

6. ਪਰਮਾਤਮਾ ਅਤੇ ਉਨ੍ਹਾਂ ਦੇ ਦਿਵਯ ਕਰਤੱਵ

7. ਪਰਮਾਤਮਾ ਦਾ ਦਿਵਯ ਅਵਤਰਣ

8. ਸ਼ਿਵ ਅਤੇ ਸ਼ੰਕਰ ਵਿਚ ਅੰਤਰ

9. ਇਕ ਮਹਾਨ ਭੁੱਲ

10. ਸ੍ਰਿਸ਼ਟੀ ਰੂਪੀ ਉਲਟਾ ਤੇ ਨਿਰਾਲਾ ਬ੍ਰਿਛ

11. ਪ੍ਰਭੂ ਮਿਲਣ ਦਾ ਪੁਰਸ਼ੋਤਮ ਸੰਗਮਜੁਗ