ਬੱਦਲ

ਆ ਗਏ ਬੱਦਲ, ਆ ਗਏ ਬੱਦਲ

ਵਿਚ ਅਸਮਾਨੀਂ ਛਾ ਗਏ ਬੱਦਲ।

ਅਹੁ ਦੇਖੋ ਕਿੰਞ ਭੱਜਦੇ ਬੱਦਲ

ਇਕ ਦੂਜੇ ਗਲ ਲੱਗਦੇ ਬੱਦਲ।

ਜ਼ੋਰ-ਜ਼ੋਰ ਟਕਰਾਉਂਦੇ ਬੱਦਲ

ਬਿਜਲੀ ਕਿਤੇ ਗਿਰਾਉਂਦੇ ਬੱਦਲ।

ਗਡ਼-ਗਡ਼ ਸ਼ੋਰ ਮਚਾਉਂਦੇ ਬੱਦਲ

ਬਾਗੀਂ ਮੋਰ ਨਚਾਉਂਦੇ ਬੱਦਲ।

ਭੂਰੇ, ਚਿੱਟੇ, ਕਾਲੇ ਬੱਦਲ

ਇਹ ਤਾਂ ਵਰਖਾ ਵਾਲੇ ਬੱਦਲ।

ਕੁਝ ਹਲਕੇ ਕੁਝ ਭਾਰੇ ਬੱਦਲ

ਲੱਗਦੇ ਬਡ਼ੇ ਪਿਆਰੇ ਬੱਦਲ।

ਛਮ-ਛਮ ਕਰਦੇ ਵਰ੍ਹਦੇ ਬੱਦਲ

ਛੱਪਡ਼-ਟੋਭੇ ਭਰਦੇ ਬੱਦਲ।

ਗਰਮੀ ਦੂਰ ਭਜਾਉਂਦੇ ਬੱਦਲ

ਥਾਂ-ਥਾਂ ਠੰਢ ਵਰਤਾਉਂਦੇ ਬੱਦਲ।

ਹਰ ਇਕ ਮਨ ਨੂੰ ਭਾਉਂਦੇ ਬੱਦਲ

ਸਭ ਦੀ ਪਿਆਸ ਬੁਝਾਉਂਦੇ ਬੱਦਲ।