ਉਠ ਤੁਰੀਏ
ਬਲਜੀਤ ਪਾਲ ਸਿੰਘ
ਉਠੋ ਤੁਰੀਏ ਬੈਠਿਆਂ ਨੂੰ ਦੇਰ ਹੋ ਚੁੱਕੀ ਹੈ,
ਕਿਰਨਾਂ ਦਾ ਕਾਫ਼ਿਲਾ ਹੈ ਸਵੇਰ ਹੋ ਚੁੱਕੀ ਹੈ।
ਢਹਿੰਦੀਆਂ ਕਲਾਵਾਂ ਨੂੰ ਆਖ ਦੇਵੋ ਅਲਵਿਦਾ
ਜਿਉਣ ਵਾਲੀ ਆਰਜ਼ੂ ਦਲੇਰ ਹੋ ਚੁੱਕੀ ਹੈ।
ਫ਼ਰਜ਼ ਸਾਡਾ ਸਾਰਿਆਂ ਦਾ ਉਸਨੂੰ ਹਲੂਣੀਏ,
ਜ਼ਮੀਰ ਜਿਹੜੀ ਚਿਰਾਂ ਤੋਂ ਹੀ ਢੇਰ ਹੋ ਚੁੱਕੀ ਹੈ।
ਸੱਚ ਦੀ ਪਗਡੰਡੀ ਉੱਤੇ ਦੂਰ ਤਾਈਂ ਚੱਲਣਾ,
ਕਾਹਤੋਂ ਡਰਾਓ ਜਿੰਦਗੀ ਹਨੇਰ ਹੋ ਚੁੱਕੀ ਹੈ।
ਦੂਰ ਆਉਂਦੀ ਨਜ਼ਰ ਜੋ ਸਤਰੰਗੀ ਪੀਂਘ,
ਕਾਏਨਾਤ ਫੁੱਲਾਂ ਦੀ ਚੰਗੇਰ ਹੋ ਚੁੱਕੀ ਹੈ।
ਅੰਬਰੀਂ ਉਡਾਰੀਆਂ ਸਵਾਂਗੇ ਹੁਣ ਜ਼ਰੂਰ,
ਦੋਸਤੀ ਪੰਖੇਡੂਆਂ ਨਾਲ ਫੇਰ ਹੋ ਚੁੱਕੀ ਹੈ।
ਬਲਜੀਤ ਪਾਲ ਸਿੰਘ
9417324432
