ਧੀ ਦੀ ਪੁਕਾਰ !
ਬਲਵਿੰਦਰ ਕੌਰ
ਬਾਬਲਾ ਮੈਂ ਧੀ ਤੇਰੀ ਕਰਾਂ ਪੁਕਾਰ ਵੇ,
ਜਨਮੋਂ ਤੂੰ ਪਹਿਲਾਂ ਰਿਹੋਂ ਕਾਹਤੋਂ ਮਾਰ ਵੇ,
ਕਰੇਂਗਾ ਤੂੰ ਮਾਣ ਨਾਲੇ, ਤੇਰਾ ਇਹ ਸਮਾਜ ਵੇ,
ਬਦਲਾਂਗੀ ਰੀਤ ਹੁੰਦਾ, ਪੁੱਤਾਂ ਸਿਰ ਰਾਜ ਵੇ,
ਦਿਆਂਗੀ ਸਬੂਤ ਜੇ ਦੇਵੇਂ, ਮੌਕਾ ਇਕ ਵਾਰ ਵੇ,
ਧੀਆਂ ਵਾਲੇ ਕੱਲੇ ਨਹੀਓਂ, ਫ਼ਰਜ਼ ਨਿਭਾਵਾਂ ਮੈਂ,
ਮਾਂ, ਭੈਣ, ਪਤਨੀ ਦੇ ਰੂਪ ਵਟਾਣੇ ਮੈਂ,
ਰਹਿਜਾਂਗੀ ਬੇਵੱਸ ਹੋ ਕੇ ਕਰੀਂ ਨਾ ਸੰਘਾਰ ਵੇ,
ਪਰਬਤਾਂ ਰੋਹਿਣੀ ਬਣੀ, ਰਾਣੀ ਝਾਂਸੀ ਵਾਲੀ ਮੈਂ,
ਕਿਹੜੇ ਖਿੱਤੇ ਦੱਸੀਂ ਕੀਤੀ, ਨਹੀਂ ਭਾਈਵਾਲੀ ਮੈਂ,
ਜੱਗ ਵਾਂਗਰ ਤੂੰ ਵੀ ਮੈਨੂੰ, ਸਮਝੇਂ ਕਿਓਂ ਭਾਰ ਮੈਂ,
ਕੀਤੇ ਪੁਲਾੜ ਫਤਹਿ ਮੈਂ ਧਰਤੀ ਦੀ ਸੇਵਾ ਵੀ,
ਬਦਲੇ ਵਿਚ ਕਦੇ ਨਾ ਮੰਗੀ, ਸ਼ਾਬਾਸ਼ੀ ਜਾਂ ਮੇਵਾ ਵੀ,
ਦੁਵਿਧਾ ਨੂੰ ਛੱਡ ਪਰਖੀਂ, ਮੈਨੂੰ ਇਕ ਵਾਰ ਵੇ,
ਬਾਬਲਾ ਮੈਂ ਧੀ ਤੇਰੀ, ਕਰਾਂ ਪਈ ਪੁਕਾਰ ਵੇ।
ਬਲਵਿੰਦਰ ਕੌਰ
9815377789
